| | |
1 2 3 4 5 6
  • title
  • title
  • title
  • title
  • title
  • title

ILM-FAN 2020



Toshkent arxitektura qurilish institutining ikkinchi rektori t.f.d., professor M.M.Miraxmedov
30-11-2017, 07:11

 

Toshkent arxitektura qurilish institutining ikkinchi rektori t.f.d., professor M.M.Miraxmedov
 
 Texnika fanlari doktori, professor Miraxmedov Maxamadjon Maxmudovich 1946 yil 16 iyunda Andijon viloyati, Asaka tumanida tug‘ilgan. 1953 yili Asaka shahridagi 2-sonli maktabga o‘qishga qabul qilinib, 1961 yili 7-sonli maktabga ko‘chirilgan va uni 1965 yilda oltin medal bilan tamomlagan. 1970 yili S.Peterburg (sobiq Leningrad) temir yo‘l muxandislari  institutini imtiyozli (qizil) diplom asosida tamomlab, O‘rta Osiyo temir yo‘li qoshidagi Yo‘lloyiha (Dorproekt) institutida muxandis lavozimida mehnat faoliyatini boshlagan. 1971 yili Toshkent temir yo‘l muxandislari institutining "Qurilish materiallari” kafedrasi qoshidagi ilmiy laboratoriyaga ilmiy xodim lavozimiga o‘tkazilgan. Mustaqil izlanuvchi sifatida ilmiy dissertatsiyani tugallab 1975 yilda nomzodlik dissertatsiyasi ishini himoya qilgan. Shu yilning o‘zidan institutning "Qurilish ishlab chiqarish” kafedrasiga assistent lavozimiga o‘tkazilgan, 1975-1986 yillar oralig‘ida Toshkent temir yo‘l muhandislari instituti "Qurilish ishlab chikarish” kafedrasida assistent, dotsent, kafedra mudiri, 1986-1989 yillar davomida Toshkent temir yo‘l muhandislari instituti "Turar joy va sanoat qurilishi” fakulteti dekani 1988 - 1989 yillarda 10 oy davomida Moskva shahri M.Torez nomidagi institutining til kursida fransuz tilini o‘rganib, Fransiyaning Monpele Universitetida ikki oylik stajirovkani o‘tagan hamda Gvineya Respublikasining Konakri Universitetiga mehnat safariga yuborilgan.
1989-2001 yillar davomida Gvineya Respublikasi, Konakri Universitetida dotsent, 2001-2002 yillar oralig‘ida Toshkent temir yo‘l muhandislari instituti "Turar joy va sanoat kurilishi” kafedrasi dotsenti, 2002-2004 yillarda Akademik litsey, kasb-xunar kollejlari va marketing xizmati bo‘yicha prorektor, 2004-2005 yillarda Toshkent temir yo‘l muhandislari instituti o‘kuv ishlari bo‘yicha prorektor lavozimlarida faoliyat ko‘rsatib, 2005-2009 yillarda Toshkent arxitektura qurilish instituti rektori sifatida 5 yil davomida samarali faoliyat yuritib kelgan. 2002 yilda doktorlik dissertatsiyasi ishini himoya qilgan 2010 yildan hozirgi kunga qadar Toshkent temir yo‘l muhandislari instituti "Bino va inshootlari qurilishi” kafedrasi hamda o‘rindoshlik asosida Toshkent arxitektura qurilish instituti "Qurilish texnologiyasi va tashkiliyoti” kafedrasi professori lavozimida faoliyat ko‘rsatib kelmoqda.
Magistraturaning 5A340204 - Qurilish konstruksiyalarini loyihalash (temir yo‘l qurilishi uchun) va 5A340201 - Bino va inshshotlar mutaxassisliklari uchun 3 semestrlik "Qurilishni tashkil etish va boshqarish” hamda qurilish mutaxassisliklari magistrantlari uchun 1 semestrli "Ilmiy tadqiqot metodologiyasi” fanlarini rus va o‘zbek tillarida ma’ruza, amaliy va mustaqil mashg‘ulotlaridan dars beradi. 2012 – 2017 yillar mobaynida 24 nafar bakalavrlarning bitiruv ishiga va 23 nafar magistrlarning dissertatsiyasini tayyorlashda rahbarlik qilgan.
M.Miraxmedov 2005-2009 yillar mobaynida Toshkent arxitektura qurilish instituti rektori lavozimida unumli faoliyat ko‘rsatgan. Shu davrda M.Miraxmedov institut o‘quv jarayoniga ilg‘or, zamonaviy pedagogik texnologiyalarni joriy etish, ta’lim berish sifatini oshirishga katta hissa qo‘shgan. Jumladan, O‘zbekistonni rivojlantirish ilmiy ustivor yo‘nalishlariga mos keladigan davlat grantlari bo‘yicha keng qamrovli ilmiy loyihalar bajarilgan. Bu davrda rivojlangan xorijiy mamlakatlarning nufuzli universitetlari kafedralari bilan hamkorlikda simpoziumlar o‘tkazildi, ilmiy tadqiqot ishlari bajarilgan. 2006 yilda "Arxitektura, Qurilish. Dizayn” ilmiy-amaliy jurnali ta’sis etilgan va hozirgi kungacha samarali faoliyat ko‘rsatmoqda.
M.Miraxmedov o‘z shogirdlari bilan birga olib borayotgan ilmiy izlanishlari respublika fan va texnologiyalari rivojlanishining ustivor yo‘nalishlariga bog‘liq bo‘lib, iqtisodiyotimiz uchun dolzarb bo‘lgan sohaga, ya’ni ekzogen jarayonlarining temir yo‘lga salbiy ta’sirini kamaytirish muammosiga bag‘ishlangan. Bu sohada M.Miraxmedov chuqur nazariy va amaliy natijalarga erishgan. Shu jumladan tabiiy – texnik ob’ektlarni loyihalashtirish, qurish va ulardan foydalanishning me’yoriy – metodologik fazasini yaratishga katta xissa qo‘shgan. Olimdan qoladigan, xalqiga kelajak avlodga xizmat qiladigan merosi bu kitoblari va ilmiy asarlaridir. Mehnat faoliyati davomida M.Miraxmedov 250 dan ortiq ilmiy, o‘quv va uslubiy ishlar chop etgan, shu jumladan, oxirgi 5 yilda: 7 ta o‘quv qo‘llanma, 3 ta monografiya, 2 ta elektron darslik, 2 ta dastlabki patent, 2 ta dasturiy xujjat, xorijiy jurnallarda 6 ta maqola, OAK ro‘yhatidagi jurnallarda 12 ta maqola chop etilgan. Shu bilan birgalikda 15 ta halqaro va 7 respublika anjumanlarida 40dan ortiq ma’ruzalar bilan ishtirok etgan.
Institut faoliyatining barcha yo‘nalishlarda erishilgan yutuqlarida ko‘pming kishilik institut jamoasini yuqori malakali mutaxassislar tayyorlash bilan bog‘liq aniq maqsadlarga yo‘naltirishi, jamoada sog‘lom muhitni yaratish, moxir rahbar va ajoyib tashkilotchi ekanligi alohida e’tirof etiladi.
Institutning xalqaro aloqalari samaradorligini oshirishda ham M.Miraxmedovning hissasi beqiyos bo‘lgan. Institut bir qator xorijiy davlatlar va MDH davlatlarining turdosh oliy ta’lim muassasalari bilan ilmiy-amaliy, o‘quv-uslubiy, talabalar almashuvi ko‘zda tutilgan shartnomalar imzolagan.
Moxir va talabchan raxbar, ko‘p yillar institutni boshqargan professor M.Miraxmedovning mustaqillik yillarida Respublikamizda arxitektura va qurilish sohasi rivojiga qo‘shgan hissasi beqiyosdir.
 

Izohlar soni:0

Play tugmasini bosing! Axborot texnologiyalari markazi